Week 19

Week 19 - Contribution of Teacher Inquiry Topics to my Communities of Practice

Create a reflective entry where you critically reflect on how two potential and inspiring digital and/or collaborative learning related teacher inquiry topics would contribute to your Communities of Practice. Your reflection should be based on a reflective model of your choice.

Kia pai ai taku huritao kia rua ngā kaupapa pakirēhua o te kaiako, ka whakamahia e au te tauira huritao ā Jay rāua ko Johnson (2002)

Ko te kaupapa pakirēhua tuatahi hei tirohanga māku, ko te ‘Games and Educational Game Design’. He kaupapa tino pai tēnei ki ahau. Nā te mea e taiohi tonu ana au (ktk), he kaupapa tēnei i māmā noa māku te hono atu, te aro atu, te mārama anō hoki. Te wiki i aroa e mātou tēnei kaupapa, ko ētahi āhuatanga i kōrerohia mo te painga o te tākaro kēmu, ko te āhua o te whai kia riro whiwhinga, ko te kite i te āhua o te hinga me te ako rautaki i aua hinganga. He tamariki hangarau ēnei tamariki o naianei, nō reira, he pai pea ā tōna wā, kia whai rautaki e huri ai ētahi mahi kia kēmu te āhua.

Ko te tuarua o ngā kaupapa pakirēhua o te kaiako, ko te ‘Use of coding and robotics’ (makey makey). Ko tētahi whāinga i roto i ngā akomanga, kia nui te kuhu, te rāwekeweke. Kia whakawhānui hoki i te māramatanga o ngā ākonga ki ētahi aroro reo;

‘Ko te reo kia tika, ko te reo kia rere, ko te reo kia Māori’

Nā reira, he aro pea ki ētahi rautaki e tāea ai te kuhu ake ēnei mea te ‘coding’ me te ‘robotics’ ki roto i te ako. Ko te wetereo tētahi āhuatanga e tāea ai pea te whakatinana i te whakamahinga o te ‘coding’ me te ‘robotics’.

Ki āu nei, ko tētahi hapori ako ka whai pānga, ka hāngai rānei ki ēnei kaupapa pakirēhua, ko mātou ko ētahi kairīwhi i Mana Tamariki nei. E rata ana mātou ki te tākaro kēmu, e whakapono ana mātou, he ako i roto i te tākaro kēmu, he ako rautaki kei roto i te tākaro kēmu, ā, e whakapono ana, ka huri ngā akoranga hei akoranga whakaihiihi, whakakipakipa i te tamaiti i roto i tana ako, ka noho mai hei mea kapo i tona aro.

He ‘mutual engagement’ tā mātou. E whakapono ana mātou ki a mātou anō. E tūwhera ana mātou ki te whakatakoto whakairo, whakatakoto kaupapa. He tūwhera hoki ki te wānanga kia tutuki pai ai tētahi āhuatanga.

Ko te hapori tuarua, ko mātou te hapori Māori Mindlab i Te Papaioea nei. Mātou katoa, he kaha ki te wānanga, kaha ki te tuku pātai. He tūwhera ki te whakatakoto whakaaro kia ea ai tētahi kaupapa.

Tētahi kitenga/akoranga mīharo i ako mātou te hapori Māori Mindlab, ko te wā i tahuri ki te waihanga ‘makey makey’, i rongo i te hari me te koa, i mahi tahi, i kite hoki i te mīharo o te ako mā te rāwekeweke, mā te mahi-ā-ringa. I kite mātou he tino whai hua tēnei momo ako mā ā tatou tamariki. He mea whakaihiihi i rātou, me te mea hoki, ēhara i te mahi maroke, he mahi whakakipakipa i te tamariki.