Skip to main content

Agency and Engagement


Research & Community Informed Practice Assessment 3

Agency & Engagement

Ko te āhuatanga o te rongo i te tamaiti, me tōna rongo i tōna ake mana i roto i tana kawe i a ia ki te whakatutuki i āna mahi, he āhuatanga nui i roto i te akomanga. He kaha nō Te Aho Matua te pērā, te whakamana i te tamaiti. Ko te tamaiti te aronga.

'Seesaw', tētahi taupānga i whāi e au kia pakari ake taku whai i te akoranga o aku tauira. Ko tā Seesaw, he wāhi haumaru e wātea ai te tamaiti te whakarewa i āna mahi, hei tirohanga mā ōna mātua, ka mutu, tona whānau. He wāhi e wātea ai te kaiako me ngā mātua te whakawhitiwhiti kōrero, te whakawhitiwhiti whakaaro mo te ako o te tamaiti. He wāhi e wātea ai te kaiako, ngā mātua, me te tamaiti te wānanga tahi me te whakaatu mahi. 

Kua ora au i tēnei, ā, he awhi nui tō tēnei taupānga o Seesaw nei te whakatinana i ngā uara o Te Aho Matua, arā, te mana o te tamaiti i roto i āna mahi.

Shernoff (2013) states that engagement always connotes a relationship, one of involvement to something, and defines it as a heightened, simultaneous experience of concentration, interest, and enjoyment in the task at hand. 

Ka kite, ka rongo hoki i te arotahi (concentration), ā ngā tamariki i ā rātou e whakamahi ana i tēnei taupānga. Ka rongo hoki i tō ratou hiahia (interest). Kua arotahi nā te mea e whakahīhī ana ki ā rātou mahi, e arotahi ana nā te mea e hiahia ana kia poho kererū ngā mātua, kia koa te hunga titiro ki āna mahi. He nui te hiahia nā te mea, ko rātou kei te kawe. Anō nei, kei te whakarite pūrongo rātou hei tirohanga mā te katoa. He nui te hiahia nā te mea ko rātou kei te whakahaere i te āhua o ngā mahi, ngā tae, ngā pikitia, te aha rānei.

Ā, mehemea kāore i pārekareka, kāore te tamaiti e kuhu. Ā, e mōhio ana tātou, ko te hunga tamariki, i te nuinga o te wā, he hunga kōrero pono. Makere noa mai ngā kōrero o te hinengaro o te ngākau. Ahakoa te mamae pea o ngā kōrero, kāore e meatia kia mamae, he puta noa te kōrero.

Kua kitea te pārekareka i a rātou e whakarewa mahi ana. He aha ai? Nā te mea ko rātou kei te whakaatu, ā, e whakahīhī ana ki ā rātou māhi.

Ko tētahi āhuatanga me kaha ake i roto i ahau, kia kaha ake ai tēnei, me wherawhera tonu ki te taupānga o Seesaw, kia āhei te whakamahi ki tona ikeiketanga. E āhei ana te whakarite ngohe mā ngā tamariki, e tāea ai rātou te kake ki runga me te whakaoti. He wāhi e āhei ana ngā tamariki te pōhi. He awhi nui te rongo i te reo o te ākonga.

Comments

  1. UnknownOctober 22, 2018 at 3:15 PM

    He rawe ngā whakaaro, kua kite hoki ahau i te painga i tāu e mahi ai i te Seesaw. Harikoa ngā tamariki, harikoa hoki ngā mātua ki ti kite i ngā mahi a o rātou tamariki. Me kaha whai hoki ahau i te Seesaw a tērā tau

    ReplyDelete
  2. UnknownOctober 22, 2018 at 9:26 PM

    Kāore i kō atu i kō mai i tēnei mai te hangarau me tana uri te taupānga 'Seesaw'. Ko te kura o taku tama matahiapo tērā ka kaha whakamahia i tēnei taupānga. Ahakoa ko au te māma tuarua o taku tama matahiapo nei ka whiwhi tonu au i ngā kōrero o taku tama. Ka tukuna mai e tana pouako ngā kōrero o tana akomanga. Mā tēnei e mōhio ai ahau i ngā kaupapa i tana kura. Ehara hoki i te mea ka ngaro te pānui inā tuku mai a pouaka reta nei. He tino rawe ki āu ngā rauemi a tēnei ao hangarau.

    ReplyDelete

Post a Comment

Popular posts from this blog

Indigenous knowledge and cultural responsiveness in my practice

Indigenous knowledge and cultural responsiveness in my practice Wiki 31 Hei Mahi 7 Ka whakamahi anō i te anga huritao ā Rolfe (2001) He aha? (What?) Kāore au i te tino hiahia kia whakakūmara i tō mātou kura, heoi, mo tēnei kaupapa, te mōhiotanga ki te ao Māori ki te reo Māori ki ngā tikanga Māori ki te ahurea Māori, kei reira tō mātou kura. Me kī rā, kua 'Mauri Oho' tō mātou kura (Pohatu 2011) He kaha nō mātou te whakatinana i ērā āhuatanga e kōrerohia nei e Bishop rāua ko Berryman (2009) - arā te manaakitanga - tuakana/teina, mahi-ā-ohu, whakapaipai,  te mana motuhake - mihimihi, pepehā, hui whānau whakapiringatanga,  wānanga me te ako - karakia, mihimihi, whānau, mātua, pakeke, mātanga, raukura o te kura kotahitanga - noho tahi, whakatūwhera/whakakapi, kapa haka, hākinakina, mahi-ā-ohu, matariki Arā noa atu ētahi atu tauira o ēnei aronga i tā Bishop rāua ko Berryman tuhinga. Ēnei āhuatanga katoa, e kitea ana i Te Aho Matua. Kia ahatia? (So what?)...
1 comment
Read more

Week 19

Week 19 - Contribution of Teacher Inquiry Topics to my Communities of Practice Create a reflective entry where you critically reflect on how  two  potential and inspiring digital and/or collaborative learning related teacher inquiry topics would contribute to your Communities of Practice. Your reflection should be based on a reflective model of your choice. Kia pai ai taku huritao kia rua ngā kaupapa pakirēhua o te kaiako, ka whakamahia e au te tauira huritao ā Jay rāua ko Johnson (2002) Ko te kaupapa pakirēhua tuatahi hei tirohanga māku, ko te ‘Games and Educational Game Design’. He kaupapa tino pai tēnei ki ahau. Nā te mea e taiohi tonu ana au (ktk), he kaupapa tēnei i māmā noa māku te hono atu, te aro atu, te mārama anō hoki. Te wiki i aroa e mātou tēnei kaupapa, ko ētahi āhuatanga i kōrerohia mo te painga o te tākaro kēmu, ko te āhua o te whai kia riro whiwhinga, ko te kite i te āhua o te hinga me te ako rautaki i aua hinganga. He tamar...
2 comments
Read more

Using Social Online Networks in Teaching or Professional Development

Usin g social online networks in teaching or professional development Wiki 29 Hei mahi 5 Hei whakakupu i ōku whakaaro, ka whakamahia te anga huritao a Jay and Johnson Descriptive I tō mātou kura, i te kura tuatahi, me pono ngā kōrero, he uaua ki te whakamahi i ngā matihiko e whera ai ngā tamariki ki te pae pāpāho pāpori. Tuatahi ake, nā te mea kāore te nuinga o ngā pae tukutuku, kāore hoki ngā whakahaerenga o te rorohiko i te reo Māori. Tuarua, hei te kura takawaenga kē timata ai ngā tamariki ki te haere ki ngā akoranga reo pākeha. Heoi, ahakoa tonu tērā, he uaua tonu.  Ēngari i konā, ka ora tātou i Te Aho Matua e mea ana; 2.1 He tapu ngä reo katoa. No reira, me whai koha te hunga o ngä Kura Kaupapa Mäori ki ngä reo katoa. 2.2 Mo ngä tamariki, kia rua ngä reo. Ko te reo o ngä matua tupuna tuatahi, ko te reo o tauiwi tuarua. Kia orite te pakari o ia reo, kia tu tangata ai ngä tamariki i roto i te ao Mäori, i roto hoki i te ao o Tauiwi.  I konei, ka maharatia, ā tōna ...
2 comments
Read more