Skip to main content

Contemporary trends in New Zealand or internationally

Contemporary trends in New Zealand or internationally

Wiki 30
Hei Mahi 6

Mo tēnei rangitaki, ka whakamahi i te anga huritao o Rolfe (2001) hei whakakupu i ōku whakaaro.

Image result for rolfe's model of reflection
E ai ki a Bill Daggett, Ed.D. - te tumu whakarae me te tiamana o te International Centre for Leadership in Education, ko te matihiko, he mea ka noho mai hei matū whakapanoni, whakawhanake hoki i te takatūtanga kuhu ki ngā whare wānanga, ki ngā wāhi mahi anō hoki. Ko ngā ākonga o ēnei rā, he tohunga, he hunga taketake ki te ao matihiko, heoi, tae mai ana ki te kura, ka whakawetongia ngā rauemi, ka waiho ki rō pēke, ka hoatu rānei ki te kaiako. Ko tā tātou te hunga whakaako, me tauawhitia, me whakahiapotia te mana o te hangarau kia hāngai ai te ako ki ngā momo ākonga katoa, tae noa ki ngā pakeke. 


 He aha? (What?)
I ēnei rā, e huri ana te ao hangarau i ia rā. Ā, e huri ana te pānga o ngā momo hangarau ki ngā kura, te āhua, te kōunga, te haumaru, te ngāwari o te whakamahi, he nui ngā pānga. 

 Ko tētahi kitenga nui ōku i roto i te akomanga, he hihiko ake, he ihiihi ake te ako o te ākonga i te wā he nui te rāwekeweke i roto i te akoranga. He whakakitenga, he whakaahua, he rīpene, he whakaaturanga, he mea kia rāwekeweke ngā ringa. 

 Ka kitea hoki ēnei momo kōrero i roto i ngā tuhinga ā Daggett (2014) e mea ana, he nui ake te tokomaha o ngā ākonga kua hinga i roto i tētahi akoranga kauhau noa i ngā ākonga i roto i tētahi akoranga oi (active)

 Anei tētahi kauwhata nō te whakaaturanga ā Daggett(2014) e whakaatu ana i tērā.



 Kia ahatia? (So what?)

 He hononga tō te kaupapa o tēnei rangitaki ki te rangitaki tuarua - te whakamahinga o te pae pāpāho pāpori i roto i te ako, hei rauemi ako. Ko te oritetanga, ko toku whakaaro ki te neke whakamua i roto i te ako. Me ruku tō tātou kura ki tētahi ara e tūwhera ai ngā tatau ki te whakamahi i ngā hangarau kia whanake te ako o ngā tamariki.

Heoi, kia ea ai tērā, ko te wero inaianei, ko te wānanga ka ahu pēhea. He wānanga mehemea āe, kāo rānei - e hiahia ana kia eke te ako o ā tātou tamariki ki taumata kē atu? Me wānanga tō tātou kura, te poari matua, ngā kaiako, ngā mātua, ētahi raukura pea o te kura - ka pēhea tātou e anga whakamua ai, kia kaua ā tātou tamariki e mauhere ki te ao kōhatu (Te Aho Matua 2008).

 Me aha inaianei? (Now what?)

 E kite marika ana, kei raro mātou e pūtu ana i te ao matihiko i rō akomanga. E kitea ana i kura kē, ko tēnei āhuatanga e kaha whai ana ērā atu. 

 Nā reira, me kōkiri i tēnei, me whakatinana. Whakatau i te kaupapa ki tētahi hui. Ahakoa pea kāore te moni ā tō tātou kura ki te kōkiri kia whai taputapu hangarau pai, taputapu kōunga, e tika ana mo ngā kaupapa ako, kāore he timatanga i tua o te whakatau ki runga i te tēpu. Kia rongo ai te katoa i te hiahia nui. Āe pea, ka uaua, ka roa kia tae ki reira, heoi, me timata ki tētahi wāhi. Hei timatanga hoki, ka wānanga kia whakaaea te kawe mai i ngā taputapu hangarau, te whakamahi hoki i rō akomanga. Heoi, me wānanga hoki i tētahi momo kirimana, tētahi momo kī taurangi, kia tika ai, kia haumaru ai te whakamahi.

Comments

Post a Comment

Popular posts from this blog

Influence of Law & Ethics in Practice

Influence of Law & Ethics in Practice Wiki 28 Hei Mahi 4 (Activity 4) Hei tautoko ki te whakakupu i ōku whakaaro, ka whakamahia te anga o Rolfe et al. E ai ki Connecticut State Department of Education, he mea nui kia matatika te ahunga, kia matatika ngā whakatau o te hunga whakaako, kia noho ko ā rātou mahi whakaako, kei te ara e tika ana, kei te taumata tiketike o ngā paerewa matatika o ngā whakahaere, o ngā haepapa anō hoki. Ka hoki ōku mahara ki tētahi take i puta i tō mātou kura. He take i puta ki tētahi o ngā kaiako. He aha? (What?) I whakakorehia te whakamahi i te 'Pukamata' i roto i tō mātou kura. Kia ahatia? (So what?) Ahakoa ko Pukamata tētahi o ngā tuāpapa e tino wānanga ai te tangata, he wāhi e āhei ana te whakawhitiwhiti kōrero, whakawhitiwhiti whakaaro, he wāhi e whakamahia ana e te toenga o te ao, i whakakorehia. Ko 'pukamata' tētahi wāhi i te ipurangi e kaha whakamahia ana e te tangata. Ia rā, ia rā, ia miniti, he kōrero hōu kei ...
Post a Comment
Read more

Week 17 - Reflective Practise

Week 17 Reflective Practise - He Huritao i te Whakaako E rata ana ahau ki te āhua o te kauwhata huritao a Jay and Johnson’s, nā reira, koia te tauira ka whakamahi hei whakakupu i taku huritao i ahau anō. Descriptive : Nō muri mai i te wahanga tuatahi me te wahanga tuarua, i kite atu au i tētahi āputa nui i taku whakaako i tētahi o aku akomanga, me te āhua o taku tuku i ngā mahi ki a rātou. Tokowhitu o ērā 12 tamariki – Aē! E tāea ana te tuku mahi ki a rātou, e mārama ana rātou he aha te mahi, ka noho rātou, ka aro, ka mahi. Te tokorima kua mahue mai, kāore e rite ana ki ērā atu. Tuku ana te mahi ki a rātou, he aha te hua? He nui te whakapōrearea, he nui te kōrero, he iti noa te aro ki te mahi, kāore e whakaoti i ngā mahi. He tino whakapōkaikaha tēnei i ahau. Ētahi wā i riri i runga tā rātou whakapōrearea. Comparative : Ko te painga o tēnei wheako, i kitea te āputa. I te whakaako kē i tētahi ara kāore e kitea ana i Te Aho Matua.: 5.1 Ko ngä ahuatang...
1 comment
Read more

Indigenous knowledge and cultural responsiveness in my practice

Indigenous knowledge and cultural responsiveness in my practice Wiki 31 Hei Mahi 7 Ka whakamahi anō i te anga huritao ā Rolfe (2001) He aha? (What?) Kāore au i te tino hiahia kia whakakūmara i tō mātou kura, heoi, mo tēnei kaupapa, te mōhiotanga ki te ao Māori ki te reo Māori ki ngā tikanga Māori ki te ahurea Māori, kei reira tō mātou kura. Me kī rā, kua 'Mauri Oho' tō mātou kura (Pohatu 2011) He kaha nō mātou te whakatinana i ērā āhuatanga e kōrerohia nei e Bishop rāua ko Berryman (2009) - arā te manaakitanga - tuakana/teina, mahi-ā-ohu, whakapaipai,  te mana motuhake - mihimihi, pepehā, hui whānau whakapiringatanga,  wānanga me te ako - karakia, mihimihi, whānau, mātua, pakeke, mātanga, raukura o te kura kotahitanga - noho tahi, whakatūwhera/whakakapi, kapa haka, hākinakina, mahi-ā-ohu, matariki Arā noa atu ētahi atu tauira o ēnei aronga i tā Bishop rāua ko Berryman tuhinga. Ēnei āhuatanga katoa, e kitea ana i Te Aho Matua. Kia ahatia? (So what?)...
1 comment
Read more