Skip to main content

Week 17 - Reflective Practise






Week 17 Reflective Practise - He Huritao i te Whakaako

E rata ana ahau ki te āhua o te kauwhata huritao a Jay and Johnson’s, nā reira, koia te tauira ka whakamahi hei whakakupu i taku huritao i ahau anō.


Descriptive: Nō muri mai i te wahanga tuatahi me te wahanga tuarua, i kite atu au i tētahi āputa nui i taku whakaako i tētahi o aku akomanga, me te āhua o taku tuku i ngā mahi ki a rātou. Tokowhitu o ērā 12 tamariki – Aē! E tāea ana te tuku mahi ki a rātou, e mārama ana rātou he aha te mahi, ka noho rātou, ka aro, ka mahi. Te tokorima kua mahue mai, kāore e rite ana ki ērā atu. Tuku ana te mahi ki a rātou, he aha te hua? He nui te whakapōrearea, he nui te kōrero, he iti noa te aro ki te mahi, kāore e whakaoti i ngā mahi. He tino whakapōkaikaha tēnei i ahau. Ētahi wā i riri i runga tā rātou whakapōrearea.

Comparative: Ko te painga o tēnei wheako, i kitea te āputa. I te whakaako kē i tētahi ara kāore e kitea ana i Te Aho Matua.:
5.1 Ko ngä ahuatanga ako katoa he mea mahi i roto i te koanga ngakau, me te whakaihiihi hinengaro.
5.3 He mea whakaihiihi i te tamaiti te noho o te pakeke ki tona taha hei toko mona i roto i ana mahi. Heoi ano, ko te awhi ko te tautoko i a ia. Engari kia kaua e riro ma te pakeke e mahi te mahi a te tamaiti.
Ko tētahi āhuatanga kāore i te pai, ko te waiho kia pēnei te roa ki te whakatikatika.
I kite au i te whakaako au me te mea nei, kei tētahi taumata te katoa o te akomanga!
Ko te ara i whai hei whakatika i tēnei, i whakarōpungia. Te tokowhitu pukumahi ki a rātou, ko te tokorima, ka nui te nohotahi ki ahau.
Critical reflection: I roto i ngā wiki e rua kua hipa nei, kua kite i te hari me te koa i roto i ngā tamariki. E koa ana te tokowhitu nā te mea, e kite ana rātou i taku whakapono ki a rātou, e tāea ana rātou te mahi i tā rātou kotahi. Kei te hīkaka, kei te ihiihi hoki ngā tamariki ki te kuhu ki ngā mahi nā te mea, he mahi kua āta whakaritea mo tā rātou rōpu. Nā reira e kaha kitea ana te mahi tahi.
Te tokorima, inaianei, e kaha aro ana ki te mahi, e rongo ana kei roto i tētahi rōpu, nā reira pea, kāore e rongo ana i te mokemoke, ko rātou kei te mahue ki muri.
Conclusion: Kei te kite inaianei, na te mea kua āta whakarōpūngia, me āta whakariterite i ngā mahi. Ko te tokowhitu, he hunga kaha ki te whakaoti mahi, na reira, me nui ngā mahi, e noho pukumahi ai rātou, kāore e whanga ana kia hoatu mahi au. Kua rite kē ngā mahi, ko tā rātou, he tiki noa.
Mehemea kua hau mai tēnei āhuatanga anō, ka āta mātiro, ka āta mātakihia te hunga e whakaako nei au, ka wānangahia ā rātou waiaro, ka wānangahia te aro ki te mahi – Ka wawe taku whakarōpu.

 "Official version of Te Aho Matua o nga Kura Kaupapa Māori and English explanation" Dia.govt.nz, 6 June 2008.














Comments

  1. Koka KimAugust 12, 2018 at 8:50 PM

    Kia ora Rongomai
    He rawe te rongo i a koe, e āta wananga ana he huarahi hei oranga mō a tātou tamariki me te hoki anō ki ngā matapono o Te Aho Matua. He tangata whakaroopu au, nā reira ka tino tautoko au i tō rautaki ki te whakaroopu i ngā tamariki. He tika tonu te kōrero i roto i Te Aho Matua hoki 5.1 Ko ngä ahuatanga ako katoa he mea mahi i roto i te koanga ngakau, me te whakaihiihi hinengaro. Me ako i roto i te harikoa me te koanga ngakau. Ko taku kōrero whakamutu māhau, Failing to Plan, is Planning to Fail lol. Nā reira kia kaha e hoa.

    ReplyDelete

Post a Comment

Popular posts from this blog

Indigenous knowledge and cultural responsiveness in my practice

Indigenous knowledge and cultural responsiveness in my practice Wiki 31 Hei Mahi 7 Ka whakamahi anō i te anga huritao ā Rolfe (2001) He aha? (What?) Kāore au i te tino hiahia kia whakakūmara i tō mātou kura, heoi, mo tēnei kaupapa, te mōhiotanga ki te ao Māori ki te reo Māori ki ngā tikanga Māori ki te ahurea Māori, kei reira tō mātou kura. Me kī rā, kua 'Mauri Oho' tō mātou kura (Pohatu 2011) He kaha nō mātou te whakatinana i ērā āhuatanga e kōrerohia nei e Bishop rāua ko Berryman (2009) - arā te manaakitanga - tuakana/teina, mahi-ā-ohu, whakapaipai,  te mana motuhake - mihimihi, pepehā, hui whānau whakapiringatanga,  wānanga me te ako - karakia, mihimihi, whānau, mātua, pakeke, mātanga, raukura o te kura kotahitanga - noho tahi, whakatūwhera/whakakapi, kapa haka, hākinakina, mahi-ā-ohu, matariki Arā noa atu ētahi atu tauira o ēnei aronga i tā Bishop rāua ko Berryman tuhinga. Ēnei āhuatanga katoa, e kitea ana i Te Aho Matua. Kia ahatia? (So what?)...
1 comment
Read more

Agency and Engagement

Research & Community Informed Practice Assessment 3 Agency & Engagement Ko te āhuatanga o te rongo i te tamaiti, me tōna rongo i tōna ake mana i roto i tana kawe i a ia ki te whakatutuki i āna mahi, he āhuatanga nui i roto i te akomanga. He kaha nō Te Aho Matua te pērā, te whakamana i te tamaiti. Ko te tamaiti te aronga. 'Seesaw', tētahi taupānga i whāi e au kia pakari ake taku whai i te akoranga o aku tauira. Ko tā Seesaw, he wāhi haumaru e wātea ai te tamaiti te whakarewa i āna mahi, hei tirohanga mā ōna mātua, ka mutu, tona whānau. He wāhi e wātea ai te kaiako me ngā mātua te whakawhitiwhiti kōrero, te whakawhitiwhiti whakaaro mo te ako o te tamaiti. He wāhi e wātea ai te kaiako, ngā mātua, me te tamaiti te wānanga tahi me te whakaatu mahi.  Kua ora au i tēnei, ā, he awhi nui tō tēnei taupānga o Seesaw nei te whakatinana i ngā uara o Te Aho Matua, arā, te mana o te tamaiti i roto i āna mahi. Shernoff (2013) states that engagement always connotes a...
2 comments
Read more

Key change in my professional practice

Key change in my professional practice Wiki 32 Hei Mahi 8 Ka whakamahi i te anga huritao ā Rolfe (2001) He aha? (What?) Ko te paerewa i tino whākana mai ki ahau i ahau e pānui ana i te pānuitanga o Hack Education Research; Ko 'Ngā Hononga Ngaio', arā, te 'Professional Relationships'. I whākana mai hoki te paerewa o te 'Akoranga Ngaiotanga', heoi, ko 'Ngā Hononga Ngaio' e hono ana ki tētahi o ngā āhuatanga i aroa tuatahitia e au.  Arā, ko te tūhonohono ki ngā tamariki, ki ngā whānau, ki ngā mātanga e tino eke ai taku whakaako me te ako o aku ākonga. E tino eke ai te ako o aku ākonga, me tino ita, me tino māro ērā taura here ki waenganui i ērā rōpū: – ki ngā ākonga me ngā whānau – ki ngā hoa kaiako, ki ngā kaimahi tautoko me ētahi atu o ngā mātanga  ngaio – ki ngā pūtahi, ki ngā rōpū me te tangata takitahi o te hapori. Ko tētahi o aua rōpū ka kōrerotia, ko te whānau. Kia ahatia? (So what?) Kia māro ai ērā here ki waenganui i te whānau, k...
2 comments
Read more